Nasa 9,000 runners mula sa 58 bansa ang magpapasiklaban sa 3rd ASICS Rock ‘n’ Roll Running Series Manila 2024 Presented by AIA sa Nov. 23-24 paalis at pabalik sa Luneta Park.
Ito ang ipinahayag ni IRONMAN Group Philippines general manager at regional director Princess Galura sa Philippine Sportswriters Association Forum nitong Martes sa Robinsons Place Manila sa Mall Atrium sa Ermita.
Tiniyak din ng kanyang kompanya na organizer ng 4-in-1 footrace (42.195-kilometer, 21km, 10k at 5k) ang maingat na paghahanda para sa kaganapan na nag-iisa lang sa Asia.
“With music and Manila’s iconic landmarks, this is a celebration of the city – its resilience, history and aspirations for the future,” hirit pa niya sa talakayang mga hatid ng San Miguel Corporation, Philippine Sports Commission, Philippine Olympic Committee, Smart/PLDT, MILO, at 24/7 sports app Arena Plus.
Nasa okasyon din sina Manila vice mayor John Marvin Nieto, AIA Philippines chief marketing officer Melissa Henson, ASICS Brand Senior Communications Executive Rustica Faith So at Charlie Dungo ng Department of Tourism, Culture and Arts of Manila. (Abante TONITE Sports)
