Palaban pa si Bianca Isabel Pagdanganan sa 75th Ladies Professional Golf Association 2024 32nd at penultimate leg, The Annika third round sa Pellican Golf Club sa Belleair, Florida nitong Sabado (Linggo sa Manila).
Tumipa ang two-time Olympian Pinay shotmaker na pinapadrinuhan ng ICTSI (International Container Terminal Services Inc.) ng 69 para sa three-day aggregate 206 at sumalo sa 7-way tie sa 24th place ng 72-hole golfest.
Iwan lang si Pagdanganan ng walong palo kay solo leader Charley Hull ng England na may 198 pagkaraan ng penultimate round na 68. Isang palo lang abante ang Brit golfer kina American Nelly Korda (67-199) at Chinese Weiwei Zhang (62-199).
Ang kakuwadra sa ICTSI ni Bianca na si Dottie Ardina na isa pang pambato ng bansa at si Yuka Saso ng Japan mga na-cut na sa kalahatian ng apat na araw na torneo.
Maari pang makasingit sa Top 3 o sa Magic 10 si Pagdanganan kung mas gaganda ang tirada sa finale nitong Linggo.
Magkabuhol sa pang-apat sina Jin Hee Im ng Korea at Winchanee Meechai ng Thailand sa total 201 pagkalipas na isalpak ang parehas na tig-68.
Solo sa pang-anim si German Olivia Cowan (65-202) na sinusundan ng apat na manlalaro pangpito na may mga 203. (Abante TONITE Sports)
