Napahawak ng stick ng drums si Miguel Tanfelix sa Halloween party nina Dingdong Dantes at Marian Rivera.
Kitang-kita sa video na ipinost niya sa kanyang Instagram na kino-coach siya ni Dingdong kung kailan dapat pumalo sa drums mismo.
Jamming kasi ang naging Halloween party sa bahay ng mag-asawa. Maging si Carlo Gonzalez ay tinuturuan din si Miguel.
Aba, ang bilis! Hindi hinayaan ni Miguel na mag-end lang sa bahay ng DongYan ang pagpalo niya ng drum.
Ipinakita rin niya sa kanyang Instagram ang pag-unboxing niya ng biniling drum set. Mukhang tatlong araw na siyahg tumutugtog sa bahay nila.
Sey nga niya sa kanyang IG caption, “It all started with a simple jam.
“Sorry mga kapitbahay kung 3 days na akong nag-iingay hehe.
“Hello coach @dongdantes @jcdgonz.”
Suportado ni Dingdong si Miguel na nag-comment sa post nito na “Rakenroll.”
Natuwa naman ang mga fan ni Miguel na na-inspire ito sa kanyang Kuya Dong .
Anyway, mapapanood si Miguel sa bagong primetime series na “Mga Batang Riles.”
